Тұрақты даму талаптарына сәйкес инвестициялық жобаларды тиімді іске асыру және қатты пайдалы қазындының басым түрлері активтерін тиімді пайдалану есебінен, Қазақстан Республикасының тау-байыту және металлургиялық жобаларын дамыту

Тарих

«Тау-Кен Самұрық» АҚ тарихы

2009
  • Қоғамның мемлекеттік акциялар (63 650 дана жай акция) пакетін «Самұрық-Қазына» ұлттық әл-ауқат қоры» АҚ меншігіне беру жөніндегі процедура жүзеге асырылды. Қоғам Қордан жалпы сомасы 1 936 960 000 теңгеге (жарғылық капитал) сатып алынған 250 981 дана жай акция шығарылымын жүзеге асырды.
  • Мемлекет пен жалғыз акционер алдыға қойған міндеттерге сәйкес, компанияны дамытудың ұзақ мерзімдік стратегиясы әзірленді және қабылданды.
  • Бірінші еншілес компания - «Тау-Кен Алтын» ЖШС құру тұжырымдамасы әзірленді және мақұлданды.
  • Қоғам Директорларының кеңесі Аффинаж өндірісі бойынша алтынды өндіру, байыту және өңдеу жөніндегі кәсіпорын «Тау-Кен Алтын» ЖШС құру туралы шешім қабылдады. «Тау-Кен Алтын» ЖШС 2009 жылғы 21 желтоқсанда әділет органдарында мемлекеттік тіркеу процедурасынан өтті.
  • Қоғамның ішкі нормативтік құжаттамасы әзірленді және бекітілді, басқару органы мен кадр құрамы жасақталды.
2010
  • Әлеуетті әріптестерді тарту, жобаларды қаржыландыратын көздерді іздеу мақсатында, Компания әртүрлі компаниялармен ынтымақтастық туралы 14 меморандумға қол қойды.
  • Алтынның аффинаж өндірісін құру және геологиялық барлау жөніндегі операторды құру сияқты, бірқатар инвестициялық жобалар әзірленді.
  • Әлемдік тау-кен секторының әлеуетті әріптестерімен байланыс жолға қойылды.
  • «Самұрық-Қазына» АҚ әдістемесі бойынша KPMG компаниясы корпоративтік басқару диагностикасын өткізді, оның қорытындысы бойынша Компания рейтингі 41% құрады, бұл компанияның корпоративтік басқару талаптарын ұстанатындығы туралы хабар береді.
2011
  • «Тау-Кен Самұрық» АҚ – «Самұрық-Қазына» АҚ акционерінің жер қойнауын пайдалану құқығын рәсімдеу, инвестициялық шешімдерді пысықтау, жобаларға мақұлдауды алу мәселелерін қоса алғанда, кейін іске асырылатын жер қойнауын пайдалану жобаларын әзіреу жүргізілді.
  • Мемлекет Басшысының тапсырмасына сәйкес, жыл ішінде аффинаж өндірісін құру жобасын әзірлеу бойынша жұмыстар жүргізілді. Жобаның техникалық-экономикалық негіздемесін әзірлеу жөніндегі жұмыстар жүзеге асырылды.
  • Ілеспе метал ретінде күміс кездесетін, қорғасын концентратын өндіру үшін, 2011 жылғы 20 қазанда «Алайғыр» ЖШС кәсіпорны құрылды.
  • «KPMG Tax&Advisory» ЖШС корпоративтік басқару диагностикасын қайталап өткізді және «Тау-Кен Самұрық» АҚ рейтингі 2010 жылғы 41%-дан 2011 жылғы 44,8%-ға дейін өсті.
2012
  • Қазақстан Республикасының Президенті Н.Ә.Назарбаевтың индустриалдық жобалардың тұсауын кесу жөніндегі телекөпір аясында, «Астана – Жаңа қала» АЭА индустриалдық паркі аумағында 2012 жылғы 3 маусымда өткізілген, аффинаж зауыты құрылысының басталғанын айғақтаған, капсула салу мен алғашқы қазығын қағу жөніндегі ресми іс-шаралар Қоғам өміріндегі маңызды оқиғаға айналды.
  • 2012 жылы Қоғам мен ҚР ИЖТМ арасында 4 объект бойынша жер қойнауын пайдалану келісімшарттары жасалды.
  • ҚР ИЖТМ мақұлдаған, 20 жер қойнауын пайдалану объектісінен тұратын, тікелей келіссөздер негізінде жер қойнауын пайдалану құқығын алуға өзге ұлттық кампаниялар алдындағы Қоғамның артықшылық құқығы жария етілген, жер қойнауы учаскелерінің тізімі айқындалды.
  • Қоғамның жарғылық капиталы 7 862 266 000 теңге құрады.
2013
  • Компанияның 2013-2022 жылдарға арналған жаңа даму стратегиясы әзірленді және бекітілді, ол бойынша миссия, болжамдар, мақсаттар мен міндеттер өзектендірілді.
  • 2013 жылғы 28 тамызда «Тау-Кен Самұрық» АҚ жарғылық капиталына «Самұрық-Қазына» АҚ тиесілі 29,82 % қатысу үлесі «Қазцинк» ЖШС жарғылық капиталына берілді.
  • Құзыретті органмен 4 жаңа объект бойынша жер қойнауын пайдалануға арналған келісімшарттары жасалды.
  • 2013 жылғы желтоқсанда Астанада жобалық қуаты жылына25 тоннатазартылған алтын және 25 тонна күміс шығаратын жаңадан салынған аффинаж зауытын іске қосу жүзеге асырылды.
  • По итогам 2013 года компания вышла на положительные финансовые показатели – чистый доход составил 1670 млн. тенге.
  • «Рейтинг.kz» зерттеу агенттігі рейтингі бойынша 2013 жылдың қорытындысында «Тау-Кен Самұрық» АҚ ҚР ұлттық компаниялары арасында үшінші орынды жеңіп алды.
2014
  • Қазақстан Республикасы Ұлттық Банк атына алтын құймалардың алғашқы партиясын жөнелту жүзеге асырылды.
  • «Рейтинг.kz» зерттеу агенттігінің рейтингтік бағалау нәтижесі бойынша, «Тау-Кен Самұрық» ұлттық тау-кен компаниясы» АҚ, 2014 жылғы бірінші тоқсанның қорытындысы бойынша барынша тиімді ұлттық компаниялар тізімінде төртінші орынға тұрақтады.
  • Жер қойнауын пайдалануға жасалған келісімшарттардың жалпы саны 9 жобаға жетті.
  • Жарғылық капитал 2014 жылғы 14 сәуірде 182 429 662 484 теңге құрады.
  • 2014 жылғы 11 шілдеде «ШалкияЦинк ЛТД» АҚ 100% акциясы «Тау-Кен Самұрық» АҚ жарғылық капиталына берілді.
  • 2014 жылғы шілдеде «Тау-Кен Самұрық» АҚ, «Масальский ТБК» ЖШС 93% қатысу үлесін сатып алу жөніндегі мәмілені жапты және мемлекеттік қайта тіркеуден өтті.
  • «Тау-Кен Самұрық» АҚ еншілес ұйымы - "Tau-Ken Temir" ЖШС жыл басынан бері металлургия кремнийі өндірісі жөніндегі зауытты қайта жаңғыртуды жүргізді, шикізат дайындады және №1 рудотермиялық пешті іске қосты. 2014 жылғы 15 қазанда металлургия кремнийі алынды.
2015

Жыл ішінде Қоғам өзінің дамуына белсенді инвестиция жұмсады, геологиялық барлау, жобалау, құрылыс жұмыстарын жүргізді, өндірістік қызметін жүзеге асырды. Жобаларды іске асыруға бағыт- талған игерілген инвестициялардың жалпы сомасы шамамен 9 млрд. теңгені құрады.

Бір жаңа активті сатып алу шартына қол қойылды –«Солтүстік Қатпар» ЖШС.

Аффинаж және кремний зауыттарындағы қызмет жалғастырылды. Жылдың қорытындылары бойынша 10,1 тонна алтын, 11,25 мың тонна техникалық кремний, сондай-ақ 2,2 тонна күміс өндірілді.

Шалқия және Алайғыр жобалары бойынша дайындық және тау-кен-капиталды қжұмыстар жалғастырылды. «Масал» жобасы бойынша Тау-кен байыту кешені мен металлургиялық комбинат құрылысының алдын-ала техникалық-экономикалық негіздемесі әзірленді.

Кремний зауытында екінші рудотерми- ялық пешті қолданысқа енгізу және Астана қаласындағы аффинаж зауытында күмістің вакуумдық дистилляциясы технологиясын іске қосу барынша маңызды шаралар болды.

Қарағанды облысындағы Оңтүстік Мойынты алаңында алтынды барлау үшін жер қойнауын пайдалану құқығы алынды.

31.12.2015 ж. жағдай бойынша Қоғамның жарғылық капиталы 243 901 772,00 мың теңгені құрады.

2016

"Тау-Кен Самұрық" ҰТК» АҚ компаниялары тобы үшін 2016 жылдың маңызды оқиғасы ҚР Инвестициялар және даму министрлігімен Алматы облысындағы Тұйық кен орны барит-полиметал рудасы мен күмісін игеруге арналған және Қарағанды облысындағы Жоғарғы Қайрақты кен орны вольфрам-молибден рудалы жер қойнауын бірлесіп барлау мен игеруге арналған екі келісімшарттың жасалуы болды.

Өндірістік қызмет аясында, жыл қорытындысы бойынша, тазартылған алтын (12 т) және металлургиялық кремний (19,5 т) өндіру бойынша алға қойылған мақсаттар орындалды.

2016 жылғы желтоқсанда Қоғам «Қазақстаннның инвестициялық қоры» АҚ-тан үлесті «Silicon mining» ЖШС-қа сатып алды.

Қажықонған кен орны бойынша орташа мөлшері 1,8% болатын 98,5 мың тонна мыс ҚР Мемлекеттік баланс запасына енгізілді.

Жыл ішінде Металлургиялық тау-кен ісі ғылыми-зерттеу институтымен (CRIMM, г. Чанша) ынтымақтаса отырып, CNTIC (ҚХР) домендік балқыту концентратын алу бойынша Масальский рудасын байыту процесін технологиялық зерттеу жүзеге асырылды.

2016 жылдың 31 желтоқсанында Компанияның жарғылық капиталы 252 874 907 мың теңге, өзіндік капиталы – 550 096 363 мың теңге құрады.