«Taý-Ken Samuryq» тау-кен металлургия саласында жаңа инвестициялық жобаларды дамытуға мүдделі. Бұл туралы қазақстандық инвестициялық форумда «Taý-Ken Samuryq» ҰТК» АҚ Басқарма төрағасы Қанат Құдайберген мәлімдеді. Форум онлайн форматта өтті, оны «Самұрық-Қазына» ҰӘҚ» акционерлік қоғамы «Қазақ Инвест» ҰК» АҚ және Қазақстанның Ұлыбританиядағы Елшілігімен әріптестікте бола отырып, ұйымдастырды.
Қанат Құдайберген тау-кен металлургия секторындағы инвестициялық ахуалдың артықшылығына назар аударды. Елде айтарлықтай минералды-шикізат базасы және әлемдік деңгейдегі бірқатар кен орындары бар. Ресми бағалаулар бойынша Қазақстанда әлемдік хром кені қорының 30%-ы, марганец кенінің 25%-ы, темір кенінің 10%-ы, мыстың 5,5%-ы, қорғасынның 10%-ы және мырыштың 13%-ы бар. Қазақстан алтын, көмір, вольфрам және басқа да пайдалы қазбаларға бай.
«Біздің мақсатымыз – стратегиялық серіктестермен бірлесіп, активтеріміздің ағымдағы портфеліндегі жобаларды іске асыру. Сонымен қатар біз жаңа жобаларды барлау сатысында да, жұмыс істеп тұрған кезінде де дамытуға дайынбыз. Мысалы, Fortescue компаниясымен бірлесіп, ауқымды геологиялық барлауды бастадық», – деп атап өтті Басқарма төрағасы.
«Сондай-ақ жас металлургия және тау-кен өндіруші компанияларға Қазақстандағы жасөспірім нарықты дамыту мақсатында қаржылық және техникалық қолдау көрсетуді ұсынамыз», – деді Қанат Құдайберген.